Gipasidunggan atol sa natigayong Flag raising ceremony kaganinang buntag ang usa ka Butuanon designer human kini midaug sa fashion week sa Kuala Lumpur, Malaysia. Gi-ila si Klevin Bartolaba nga “Most Talented Fashion Designer of the Year” sa natigayong Precious of Malaysia Fashion week sa Kuala Lumpur, Malaysia asa gi-representa niini ang Butuan City. Gitunol sa lokal nga panggamhanan sa Butuan ang Token of Appreciation – Seal of Excellence kang Klevin Bartolaba. “I am emotional because it’s the first time nga makita sa International Fashion scene ang Butuanon Manobo history. I am bringing the name of Butuan and the Manobo tribe in the International arena,” sumala ni Klevin Bartolaba. Gitimbaya sa lokal nga panggamhanan sa Butuan sa pagpanguna ni Mayor Ronnie Vicente Lagnada ang kadaugang nakab ot ni Klevin Bartolaba.