Gideklarang Regional Winner ang Butuanong Vegetable Farmer nga si Sheila Maglines sa Search for Outstanding Rural Woman 2023 atol sa Awarding Ceremony sa Gender and Development GAD Program sa Department of Agriculture-Caraga, miaging semana. Si Maglines residente sa Barangay Nongnong ning syudad asa nahimong representante sa Caraga Region ngadto sa National Level ning tuig. Gitimbaya si Maglines sa tanang nagpaluyo sa programa ilabina sa City Government sa Butuan pinaagi sa City Agriculture Office ug DA Caraga nga anaa kanunay misuporta sa tanang mag-uuma sa syudad sa Butuan ug naghatag og importansya sa kakapas sa mga kababayen-an sa sector sa agrikultura. Gidawat ni Maglines ang 50,000 pesos nga cash award ug plaque nga gitunol mismo ni DA-Caraga Field Operations Chief Melody Guimary ug GAD Focal Person Aileen Capadocia. Miduyog sab sa awarding sila City Agriculturist Engr. Pierre Anthony Joven ug Gretel Paracuelles.