๐๐จ๐ง๐จ๐๐ก๐ข๐ก๐ ๐ฉ๐๐๐๐ง๐๐๐๐ ๐๐๐ฅ๐ ๐๐ฅ, ๐ก๐๐๐๐ ๐ข๐ก๐ ๐ฌ๐ข๐จ๐ก๐ ๐๐๐ฅ๐ ๐๐ฅ๐ฆ ๐๐๐๐๐๐๐ก๐๐ ๐๐ช๐๐ฅ๐๐๐
February 01 2024, Thursday 02:32 PM
Gipasigarbo sa syudad sa Butuan ang usa ka Butuanon Vegetable Farmer nga nahimung 2023 Young Farmer Challenge Awardee sa Department of Agriculture Regional level.
Gi ila ang Butuanong Vegetable Farmer nga si Omegapon Raลin. Nahimong awardee si Raลin gumikan sa iyang kabatan-on nahatag niini ang iyang gikometar nga mga gulay sa Agrihub Facility sa Agriboost Project. Sunod-sunod kining nakadeliver og suplay sa gulay sa pasilidad sama sa paliya, batong ug pipino.
Nakadawat si Raลin og cash prize nga 150,000 pesos ug karon nakatakdang morepresenta sa Caraga Region ngadto na sa National Level.
Ang nadawat ni Raลin nga cash prize gigamit niining magpatukod og fishpond sa tilapia ug hito.
Usa sa champion farmer sa Agriboost Project sa lokal nga panggamhanan sa Butuan si Raลin, residente sa Barangay Basag ning syudad ug nanag-iya sa Omegz Farm.
Gani tungod sa agriboost project nadugangan ang kita niini asa hinay-hinay na kining nakapatukod sa bag-ong balay nga duol mismo sa iyang farm.
โDaku gyod og natabang ang Agriboost kay nag improve ang akong income nadugangan sauna nga wala pako niapil sa agriboost. Gamay ra akong area anaa lamang kini sa ยผ sa ektarya unya ang among harvest pag abot sa tabuan maglisod mig baligya unya baraton pa gyod mao nang malugi mi tungod sa presyo. Karon nga naa nay agriboost igo nalang mi modeliver unya naa nay gikasabutan nga presyo so karon kay naa naman tay sure buyer mao nga nag expand ko karon naa na sa 1-hectare ug ยพ akong area. Nidako gyod akong income kay nag-expand man ko,โ pahayag ni Omegapon Raลin.
Sumala ni Raลin sukad kini nakasalmot sa Farmers Field School kun FFS sa Agriboost Project sa pagpanguna sa City Agriculture and Veterinary Department mas nahasa kini sa mga pamaagi sa pag uma nga nahimong tinubdan sa pagtaas sa iyang kita ug hinay hinay na usab nakapatukod og green house facility ug naka expand na sa iyang area.
Si Raลin kanhi nga Machine Operator sa nasud sa Taiwan tuig 2016 hangtud tuig 2020 apan wala na kini mibalik sa abroad tungod buot niining suwayan ang pag-uma ug magtanum og lain-laing klase sa gulay.
NEWS ARTICLES