Gi-ila sa SP Butuan ang kalampusan sa Butuanong si Jhanilla Saumat nga nag top 8 sa November 2024 Agriculturist Licensure Examination. Produkto sa Caraga State University ang bag-ong agriculturist nga mudawat og cash incentive gikan sa lokal nga panggamhanan sa Butuan subay sa SP Ordinance no. 5545-2018 nga gi-aprobahan ni Mayor Ronnie Vicente Lagnada. Si Saumat nagtrabaho na sa Caraga State University sa Barangay Ampayon ning syudad. Nanghinaut ang tibook pwersa sa Sangguniang Panlungsod sa Butuan sa pagdumala ni Vice Mayor Lawrence Fortun nga mahimong inspirasyon sa ubang kabataan si Saumat nga maningkamut sa pag eskwela aron molampos.