Gitagbo sa National Commission for Culture and the Arts ang mga Butuanong magtutudlo, estudyante ug film makers alang sa Film Screening ug Workshop sa Philippine Science High School Caraga, Barangay Tiniwisan ning syudad adlawng Sabado. Nagpasalamat si City Councilor Cherry May Busa sa dakung oportunidad nga napili sa NCCA ang Butuan aron tabangang madevelop ang mga talento sa mga Butuanon sa film ug arts industry ug kang Festival Director Junlou Tordos nga usa sa naningkamot aron mahimong posible ang proyekto kauban ang DTI. “Maraming tao ang matulungan it will provide livelihood sa mga taong nandito sa Butuan not only here sa Caraga.” Mensahe ni City Councilor Cherry May Busa.” Atol sab sa kalihukan gibutyag ni Konsehal Busa nga nahilakip sa probisyon sa pag establesar og performing arts ug visual arts facilities isip suporta sa industriya sa giduso nga Science Innovation and ICT Code. Nagpasalamat sab ang tibook city government sa Butuan pinaagi sa City Tourism and Cultural Affairs Department sa NCCA sa pagpanguna ni NCCA Head Butch Ibaňez nga nahimong kabahin ang Butuan City sa selebrasyon sa National Arts Month ning bulan sa Pebrero ug sa umaabot nga Cinema Rehiyon.