Gisugdan na ang Business One-Stop Shop kon BOSS sa pagpanguna sa City Business Permit and Licensing Department sa may Robinson’s Place Butuan, ning syudad. Mihatag og higayon ang mga nanag iya og patigayon aron sa pag renew ug pag apply og Business Permit sa ilang matag negosyo sa syudad. Mas gipadali ug gipasayon sa Lokal nga Panggamhanan ngadto na sa mga nag proseso sa ilang business permit tungod sa bag-ong sistema nga gipatuman karong tuig sa BOSS. Sama na dinhi ang collection sa Fire Safety Inspection Clearance ug Barangay Clearance nga giisa na sa pagkolekta aron mapadali ang proseso sa pagkuha og business permit. Usa si Nauresa Sabate Caganap, nanag-iya og Sari-sari Store nga taga Barangay New Society Village ang mirenew sa iyang business permit sa unang adlaw sa BOSS. Sumala niya nga nahimong dali ang iyang pag renew sa ilang permit tungod usa na ang pagbayad sa Fire Safety Inspection Clearance. Kinse minutos lang ang paghuwat niini ug nakuha na dayon niya iyang Business Permit gikan sa pagdawat sa buhatan sa BPLD sa kumpleto nga requirements. Abli ang BOSS sa mga mag renew ug mag kuha og business permit sa Lunes hangtud Biyernes gikan alas 8:00 sa buntag hantud alas 8:00 sa gabie. Sa Sabado ug Domingo sab abli sila gikan 8:00 sa buntag hangtud alas 5:00 sa hapon. Ang Business One Stop Shop molungtad hangtud sa katapusan ning bulana.