Nisalmot ang 25 ka kooperatiba sa gipahigayon nga Business Continuity Plan nga gipahigayon sa Almont Inland Hotel and Convention Center, miaging semana. Ang aktibidad naka sentro sa pagbuhat og plano lakip nga mahatagan og istratehiya ang mga kooperatiba sa pag-atubang sa mga problema nga ilang masinatian aron mahimong andam sa bisan unsa nga hagit sulod sa ilang kooperatiba. Usa nga nahimong example sa mga hagit mao ang nasinati nga pandemya diin nag lisud ug apektado sab ang kooperatiba kaniadto. Gihingusgan sa City Economic and Business Development-Cooperative Management Section kauban ang Cooperative Development Authority kun CDA ang pag hatag og suporta ngadto sa mga kooperatiba aron mapaabot ang ensaktong serbisyo para kanila nga gikan sa gobyerno aron molambo ug molungtad pa sila.