Nagpahigayon sa Final Coordination Meeting ang City Business Permits and Licensing Department kauban ang mga buhatan sa LGU Butuan ug partner agencies alang sa umaabot nga Business One-Stop-Shop kun BOSS 2025. Atol sa meeting nga gipahigayon sa CMO, Conference Room 2 sa City Hall building, gihisgutan ang mga updates sa preparasyon para sa BOSS 2025 nga magsugod karong January 2, 2025 nga ipahigayon sa South Atrium sa Robinsons Place Butuan. Ang BOSS magsugod sa alas otso sa buntag hangtud alas otso sa gabii, Lunes hangtud Biyernes samtang sa adlawng Sabado magsugod kini sa alas otso sa buntag hangtud alas singko sa hapon. Samtang, pagsugod sa bulan sa Pebrero hangtud March 31, 2025, ipahigayon na ang BOSS sa City Hall lobby atol sa ting-opisina. Base sa City Ordinance Number 7160-2024, ang deadline sa renewal sa Business Permits ug pagbayad sa business taxes, fees ug charges sa Business One Stop Shop nga walay penalties o kaha surcharges, hangtud na sa March 31 sa matag tuig. Sa karon, miabot sa 17,994 ka mga establisamento ang nahatagan sa Business permit sa syudad nga taas kumpara sa milabayng mga tuig. Gilauman sab nga mas modaghan pa kini sunod tuig.