Gibisita sa mga personahe sa Department of Trade and Industry ang lokal nga panggamhanan sa Butuan pinaagi sa City Business Permits and Licensing Department miaging semana. Gisusi sab ni DTI Undersecretary Mary Jean Pacheco ang gilusad nga Business Name Registration System kon BNRS nga kasamtangang gipatuman sa CBPLD. Usa sa napulo ka syudad sa tibuok nasud ang nagpatuman sa nasangpit nga programa sa DTI. Ang BNRS usa ka web-based portal nga nagtugot sa end-to-end nga pagrehistro sa business name sa usa ka establisamento. Pinaagi sa BNRS dili na gikinahanglan ang pagdala sa DTI Registration kung mag apply og business permit tungod igo nalang i-verify sa system. Uban sa pagbisita sila DTI Regional Director Gay Tidalgo, Asst. Regional Director Brenda Corvera, DTI Provincial Director Lorijane Sacote, ug uban pang mga personahe sa DTI.