Nakighimamat ang mga bisita nga Bloomberg Philanthropies, Delivery Associates ug United Nations Development Programme kun UNDP kang Mayor Ronnie Vicente Lagnada kagahapon. Sa meeting gihisgutan ang mga kalampusan sa Agriboost Project sa tuig 2023, ang pagpadayon sa proyekto sa kasamtangang tuig, pag establesar sa gold standard sa vegetable production, pagmugna sa business case alang sa Agrihub Facility, ang hugot nga suporta sa Agriboost Brand ug ang Re-Design sa Agrimart ug ang journey sa kinatibuk-ang proyekto padulong sa dakong kausaban. Dinhi subling nagpasalamat si Mayor Lagnada sa mga bisita sa kadaugan sa Butuan City asa usa sa Grand Prize Winner sa 2021 Bloomberg Global Mayors Challenge. Nagtuo si Mayor Lagnada nga daghan pang kahigayunan ang pagkita-kita sa mga bisita alang sa daghan pang inobasyon pinaagi sa Agriboost Project nga naglantaw sa maayong kahimtang sa mga mag-uuma sa syudad sa Butuan.