Pormal nga gi-ablihan sa publiko ang Biswal Balangay Exhibit sa South Atrium sa Robinsons Place Butuan adlawng Biyernes. Ang aktibidad maghatag og higayon sa mga artist nga mapakita sa publiko ang ilang mga obra ug makahatag inspirasyon sa mga kabatan-onan labi pa kadtong dunay hilig sa arts. Gibisita kini sa mga partisipante nga nisalmot sa Biswal Balangay Competition lakip na sa ilang mga ka pamilya. Daghan nga mga art works ang makita nga gibuhat sa mga artist gikan sa Butuan ug sa Caraga. Gi-engganyo ang tanan sa pagbisita sa Biswal Balangay Exhibit. Ang Biswal Balangay gipangunahan sa City Tourism and Cultural Affairs Department sa pagpanguna ni Acting Department Head Richard Dian Vilar ug DTI Caraga Assistant Regional Director Brenda Corvera.