𝗕𝗜𝗦𝗟𝗜𝗚 𝗢𝗙𝗙𝗜𝗖𝗜𝗔𝗟𝗦 𝗠𝗜𝗧𝗨𝗢𝗡 𝗦𝗔 𝗥𝗔𝗖𝗘 𝟭𝟲:𝟭𝟲 𝗣𝗥𝗢𝗚𝗥𝗔𝗠 𝗦𝗔 𝗦𝗣 𝗕𝗨𝗧𝗨𝗔𝗡
August 15 2023, Tuesday 11:30 AM
Napukaw ang atensyon sa mga opisyales gikan sa Local Government Unit sa Bislig City sa pagpanguna nila City Councilor Jenny Chicano ug Mat Almanon uban ni Neil Jao, City Legal Officer ug uban pang personalidad sa talagsaong programang gipatuman sa Sangguniang Panlungsod ning syudad pinaagi ni Vice Mayor Lawrence Fortun - ang RACE 16:16 Program.
Tungod niini, mibisita sila sa Butuan City aron mopahigayon og Benchmarking Activity sa SP Butuan.
Bout masayran ug matun-an sa mga bisita ang kinatibuk-ang programa sa RACE 16:16 legislative program ug buot sab madungog ang diskusyon sa codification sa legislative codes hinungdan gipresentar ni Vice Mayor Fortun ang dagan sa programa ug ang positibong resulta niini sa umaabot nga panahon.
Garbo sa SP Butuan nga usa na kini sa bisitahan sa mga silingang syudad ug nanghinaut nga nakatabang kini sa paglambu ug paghimu og lokal nga mga balaodnon sa tagsa-tagsang syudad.
NEWS ARTICLES