Pormal nang gi-ablihan ang Birthing Clinic sa Bilay Main Health Center sa Barangay Bilay, ning syudad, adlawng Martes. Magamit na sa 16 ka Barangay ilawom sa Bilay Main Health Center ang nasangpit nga Birthing Clinic ug andam na mo serbisyo sa mga buntis sa maong mga lugar. Kumpleto na kini sa mga gamit ilawom sa Health Facility Enhancement Program kon HFEP ug andam na modawat og mga pasyente. Ang naka nindot usab niini adunay na kini License to Operate kon LTO gikan sa Department of Health ug accredited na kini sa Philippine Health Insurance Corporation kon PHIC. Ang Bilay Main Health Center aduna nay tulo ka Birthing Clinic nga makita sa Barangay Dulag, Barangay Aupagan, ug sa Barangay Bilay. Gikalipay ni Butuan City Mayor Ronnie Vicente Lagnada ang bag-ong mag operate nga Birthing Clinic sa Barangay Bilay. Usa kini sa mga plano ni Mayor Lagnada nga mas mapaduol ang serbisyong medikal sa tanan ug padayon nga mo lihok ang City Health Office kauban ang mga Main Health Center niini nga padayon nga maghatod sa mga programa ug serbisyo sa hisgutanan sa panlawas.