Nagpahigayon og benchmarking ang lokal nga panggamhanan sa Butuan sa pagpanguna ni Mayor Ronnie Vicente Lagnada ug Internal Auditors sa City Internal Audit Services Office kun CIASO sa pagpanguna ni Acting Department Head March Belle Lor kauban ang City Audit Committee sa Internal Audit Office (IAO) sa Bangko Sentral ng Pilipinas kun BSP sa kauluhan. Sa natigayong benchmarking ilang gi tan aw ang mga best practices sa pag audit ug mga lakang sa pagpalambo pa sa nasangpit nga buhatan. Gipresenta sa BSP ang ilang Internal Audit transformation journey. Apil usab sa nadiskusyonan ang mga technical nga pagpamalakad sa IAO, mga data analytics ug IT tools nga gigamit, mga frameworks, Audit strategies ingon man ang plano niini sa umaabot pa nga panahon. Napili sa CIASO ang Internal Audit Office sa BSP tungod sa ilang maayong reputasyon isip usa ka government office ug nakaagi na kini sa Internal Audit Transformation Journey nga kasamtangang giagihan sab sa CIASO. Nagpasalamat ang BSP sa LGU Butuan sa pagpili sa ila nga i-benchmark. Sumala sa taga BSP, maayo ang lakang sa dakbayan nga pakusgan pa ang pag check sa internal controls niini aron mas mapalambo pa ang serbisyo alang sa katawhan. Naglaum sila sundogon pa sa uban LGU ang maayong buhat sa City Government of Butuan. Mapasalamaton usab si Mayor Lagnada sa natigayong benchmarking sa BSP Central Office. "This initiative of strengthening the internal controls could be replicated, not only for the city, but for the whole country and other LGUs,” sumala ni Mayor Ronnie Vicente Lagnada. Kauban usab sa benchmarking activity ang mga miyembro sa City Audit Commmitee nga sila City Councilors Joseph Omar Andaya, Councilor Cherry May Busa, Councilor Cromwell Nortega ug Councilor Ehrnest John Sanchez.