Gideklarang 1st Place ang Barangay Maug sa Mag Barangayan Kita Riverside Barangay Participation atol sa Abayan Festival 2024 kagahapon. Nadawat sab sa Barangay Maug ang Most Decorative Award. Second Place ang Barangay Agao ug nakuha nila ang Best in Yell nga Special Award, gisundan dayon sa Barangay Mahay sa Third Place. Samtang nakuha sa Barangay Bading ang Most Colorful Award ug Most Thematic ug Most Participative ang Barangay Agusan Pequeño. Bainte uno ka Barangay ang nisalmot sa kompetisyon asa gipa nindot nila ang luna nga kilid sa agusan river. Gibutangan og maanindot nga dekorasyon, managlahing color sa banderitas, lakip na nga nag andam og performance nga sayaw, kanta ug yell isip pagpasidungog kang Senyora Santa Ana. Ang Mag Barangayan Kita Riverside barangay participation usa ka kompetisyon nga gihimo sa lokal nga panggamhanan sa Butuan pinaagi sa City Tourism and Cultural Affairs Department aron dugang sa talan-awon, ka bibo ug ma-engganyo ang residente sa matag barangay sa pag partisipar sa nasangpit nga aktibidad.