Mipakita ang mga residente sa 16 ka river barangays sa ilang sayaw ug chants isip pasidungog kang Senora Santa Ana atol Abayan sa Agusan 2023, Dominggo. First Place ang Barangay Maug asa nakadawat sila og Certificate ug Cash Prize nga 60,000 pesos nga premyo. Gawas niini nakuha sab nila ang special awards nga Most Thematic ug Most Participative Barangay. Second Place ang Barangay Baan Riverside nga nakadawat og certificate ug 50,000 pesos ug Third Place ang Barangay Mahogany nga dunay certificate ug cash prize nga 40,000 pesos. Pito sab ka Barangay ang naapil sa consolation prize nga gilangkuban sa Barangay Obrero, Barangay Golden Ribbon, Barangay Agao, Barangay Mahay, Barangay Maon, Barangay Fort Poyohon, ug Barangay Leon Kilat. Samtang Best in Yell sab ang Barangay Agao, Most Colorful ang Barangay Mahogany, ug Most Decorative ang Barangay Baan Riverside. Ang kalihukan gi-suportahan sa Lokal nga Panggamhanan sa Butuan sa pagpanguna ni Mayor Ronnie Vicente Lagnada.