Gikalipay sa mga residente uban sa mga opisyales sa Barangay Maon ning syudad sa pagpanguna ni Maon Punong Barangay Oliver Vicente ang naangkon ug nakab-ot nga mga proyekto sa barangay asa napahimuslan na sa tanan. Kini naglangkob sa bag-ong Barangay Hall ug mga road concreting project nga gipunduhan sa pagtambayayong sa national government pinaagi sa DPWH ug city government sa Butuan pinaagi sa City Engineers Office. Usa ka dakong kalambuan ang nabati sa mga residente dihang nasemento na ang kadalanan sa ilang barangay ug dili na kini magkalapok kung magbaktas ilabina panahon sa ting-ulan. Ang mga proyektong naangkon sa Barangay Maon nakab-ot sa paningkamot sa Congressmans Office pinaagi ni Congressman Jose Aquino II ug kanhi Kongresista ug karon Vice Mayor Lawrence Fortun nga makakuha og pondo sa national alang sa daghang proyektong mabubu sa kabarangayan ug Mayor Ronnie Vicente Lagnada pinaagi sa pagpatuman sa City Engineers Office. Subay niini, mipaabot sa dakung pasalamat ug suporta ang mga opisyales ug mga residente sa Barangay Maon sa tibook pwersa sa lokal nga panggamhanan sa Butuan.