"Isip Barangay IPMR sa Barangay San Mateo, akong ipaabot sa tribung Higaonon ang serbisyo ug ilang panginahanglan nga makuha nako dinhi sa City LGU ug Barangay.” Mao kini ang gipahayag ni Bai Flordelis Bangkayaw human siya nga nanumpa isip Indigenous People Mandatory Representative kun IPMR sa Barangay San Mateo niadtong Pebrero 24, 2023. Gipangunahan ni Barangay Kapitan Danilo Diaz ang natigayong Oathtaking Ceremony sa Barangay San Mateo kauban sila DILG City Director Charissa Guerta ug Richard Villar, Head sa Office of the Indigenous People, Culture, Heritage and Arts. Ang Barangay IPMR mao ang mahimong tulay aron ipaabot ang mga serbisyo sa Barangay o kaha sa LGU ngadto sa iyang tribu lakip nga siya ang mamahimong tingog ngadto sa Barangay Council kung unsa ang mga mulo sa iyang tribu. Daku ang iyang pasalamat sa mga ahensya nga nagpaluyo niini nga mahitabo na gyud nga dunay Barangay IPMR sa San Mateo. Si Bai Flordelis C. Bangkayaw, 40 years old ug usa ka miyembro sa tribung Higaonon.