Opisyal nang giturn-over ni Congressman Jose Aquino II ang Senior Citizens ug Children’s Building sa mga opisyales sa Barangay Doongan ning syudad. Sumala ni Congressman Aquino ang nasangpit nga gambalay magsilbing instrumento sa pagpaduol sa plastar nga pagtunol sa social services sa mga katigulangan ug kabataan sa Barangay Doongan. Mipaabot sa dakung pasalamat si Doongan Punong Barangay Gilberto Enriquez nga nahimong posible ang gipangandoy’ng kalambuan sa barangay gumikan sa hugot nga suporta ni Congressman Aquino. Dugang pa ni Congressman Aquino usa sa prayoridad niini mao ang pagpromote sa social development aron makab-ot na gayod sa Butuanon ang epektibo ug epesyenting serbisyo pinaagi sa tabang sa national government.