Nakabenepisyo sa rehabilitasyon ug improvement sa urban roads ang Barangay Diego Silang ning syudad. Kini pinaagi sa City Engineers Office subay sa plano ug direktiba ni Mayor Ronnie Vicente Lagnada. Mipaabot sa dakung pasalamat si Diego Silang Punong Barangay Florita Montilla kang Mayor Lagnada tungod nakita niini ang usa sa panginahanglanon sa barangay nga makabaton og nindot ug hapsay’ng dalan. Lauman nga daghan pang kadalanan sa syudad ang gipanindot tungod usa kini sa makahakot og daghang investors sa syudad alang sa pagpataas sa ekonomiya. Gihangyo usab ang pagsabot sa publiko gumikan sa huot nga dagan sa trapiko.