Midaug ang Barangay Babag ning syudad sa natigayong Masawa nga Pasko: A light up your Barangay Hall Competition. Nakadawat og 200,000 pesos nga cash prize ug plaque of recognition ang nasangpit nga barangay. Kini atol sa natigayong awarding ceremony sa Rizal Day celebration kaganinang buntag sa Guingona park. Second place ang Barangay Lumbocan nga nakadawat og 150,000 pesos ug plaque samtang Third Place ang Barangay Baan Km. 3 nga nakadawat og 100,000 pesos ug plaque. Dunay tag 50,000 pesos ang walo ka Barangay isip Juror's Choice Award. Kini gilangkuban sa Barangay San Vicente, Barangay Agao, Barangay Anticala, Barangay Tiniwisan, Barangay Maug, Barangay Ambago, Barangay Datu Silongan, ug Barangay Fort Poyohon. Samtang katorse ka Barangay ang nakadawat og consolation prizes nga tig 10,000 pesos. Kini ang Barangay Ampayon, Barangay Limaha, Barangay Bancasi, Barangay Pagatpatan, Barangay Diego Silang, Barangay Bading, Barangay Pigdaulan, Barangay Mahay, Barangay Bobon, Barangay J.P. Rizal, Barangay Amparo, Barangay Lapu-lapu, Barangay Taguibo, ug Barangay San Mateo. Gideklara sab nga Best in Parol ang Barangay San Vicente, Best in Belen ang Barangay Anticala ug Best in Christmas Tree ang Barangay Ambago. Ang kalihukan naghatag og kahayag sa matag barangay ug nagpakita sa kamamugnaon ug kooperasyon sa katawhan aron mabati ang panahon sa pasko.