Gideklarang second place ang Baan Km3 sa Gulayan sa Barangay Program Best Implementer Calendar Year 2023 atol sa Agriculture Award nga gipangunahan sa DA-Caraga nga gipahigayon sa Grand Palace Hotel ning syudad. Usa sa nagpatuman ang Barangay Baan Km3 og Gulayan sa Barangay Program nga nahimutang mismo duol sa bag-ong Barangay Hall ug gitanum ang klase-klaseng gulay ug mga alternatibong herbal medicine. Dinhi usab gikuha ang mga gulay nga gigamit sa food feeding sa mga Kabataan sa Barangay Baan km3 ug uban gihatag sa mga lactating mothers ug person with disabilities. Personal nga gidawat ni Liga ng mga Barangay President PB Gemma Tabada ang award. Kini nga inisyatibo ilawom sa High Value Crops Development Program nga gidumala sa City Agriculture Office ug Department of Agriculture Caraga. Atol usab sa awarding ceremony giila sa DA Caraga ang mga nahimong agriculture stakeholders asa usa niini ang City Agriculture Office nga dunay dakung kontribusyon ug kapasidad sa pagpatuman sa nagkadaiyang programa ug proyekto sa ahensya aron makuha ang tinguhang target nga suporta alang sa pagpalambu sa kahimtang sa matag komunidad.