Gipahugtan ug gipalig-on karon sa Butuan City Police Office ang relasyon tali sa komunidad ug opisyales sa kabarangayan sa syudad sa Butuan pinaagi sa pagmugna og Barangay Anti-Criminality Action Plan. Gani, sunod-sunod na ang pagbisita ug pakigpulong sa BCPO sa pagpanguna ni BCPO City Director PCol. RommeL Villamor sa mga opisyales sa kabarangayan aron palig-onon ang kolaborasyon sa barangay batok krimen ug pagpahibalo sa katawhan kalabot sa gipatumang police awareness programs. Gipaningkamutan sa BCPO nga padayong mahingusgan ang police visibility sa nagkadaiyang kabarangayan pinaagi sa pakighiusa ug mamahimong pro-active aron mabatukan ang krimen sa ingon masiguro ang seguridad sa tanan labi na sa mga estudyante ug makab-ot ang luwas ug malinawon nga dakbayan sa Butuan.