Nasakmit sa BANFA Team ang kadaugan sa score nga 3-2 kontra SNADIRFA o Surigao Norte and Dinagat Island Football Association sa unang game sa gipahigayong Philippine Football Federation Boys U19 Division National Championship Group G Stage Elimination kaganinang buntag sa Polysports Complex sa Barangay Tiniwisan ning syudad. Host sa nasangpit nga event ang Butuan City sa pagpanguna sa Butuan-Agusan Norte Football Association kun BANFA pinaagi ni Vice Mayor Lawrence Fortun isip BANFA President. Lain na usab nga grupo sa mga football player gikan sa laing dapit sa Mindanao ang magtigi sa kompetisyon karong Agosto 17 ug 19 ning tuig.