Dakung kalipay ang gibati sa mga Banana Growers ning dakbayan sa Butuan dihang nadawat ang 15 units nga Pole Pruners miaging semana gikan sa City Agriculture and Veterinary Department ug Department of Agriculture Banana Development Program. Kini makatabang aron mo-uswag ang banana cultivation sa syudad ug sa tibook rehiyon. Sumala ni City Agriculture and Veterinary Department Head Engr. Pierre Anthony Joven ang nadawat nga suporta sa mga Banana Growers usa sa makapadasig ug makapalig-on sa commitment ug pagpa empower sa mga local farmers padulong sa malungtarong agrikultura ilabina sa banana industry sa syudad sa Butuan. Dugang pa niini usa sab kini sa makapataas ug makabaton sa epektibong ani ug makasigurong makab-ot ang kalidad nga banana crops.