Gipahigayon kagahapon ang Balangay Festival Steering Committee Meeting sa City Mayors Office Conference Room 2 nga gipangunahan ni Vice Mayor Lawrence Fortun isip Acting Mayor sa syudad. Gihisgutan ang mga nakalinyang aktibidad, security plan sa BCPO, traffic management plan ug ang mga trainings nga gihimo sa 16 nga kandidata sa Mutya Hong Butuan 2023. Gisiguro ni Vice Mayor Fortun nga plastado ang mga aktibidad ug maka-engganyo og turista aron mapromote ang kultura ug tradisyon sa mga Butuanon ngadto sa laing dapit. Anaa sa meeting sila City Administrator Atty Joseph Ian Sabado, Heads of Office sa LGU Butuan, BCPO, Philippine Coast Guard, DepEd ug uban pang partner agencies.