Gibalhin na ning hapon ang Balangay Boat nga Raya Kulambo gikan sa Barangay Bading ning syudad padulong sa Riverpark. Una pa gibalhin ang Balangay Boat, nagpahigayon og usa ka ritwal asa gibuak ang botelya nga naay sulod laksoy isip basbas sa luwas nga paglayag sa Raya Kulambo. Pipila ka mga personahe sa City Engineering Department, City General Services Department, City Disaster Risk Reduction and Management Department, Philippine Coastguard ug Balangay Builder ang nag tinabangay para mabutang sa Agusan River ang nasangpit nga boat. Naka standby sab ang CDRRMD ug Philippine Coast Guard aron mo alalay sa Balangay Boat. Ang Balangay Boat idisplay sa Riverpark isip usa ka talan-awon sa pagsaulog sa Balangay Festival.