Nihubas na ang tubig baha sa nag-unang kadalanan sa syudad sa Butuan gahapon human sa makusog nga ulan nga nasinati, Pebrero 7. Gawas nga kusog ang volume sa ulan nga miresulta sa pagbaha, nagkataas sab ang water level sa Agusan River. Apan pila lang ka oras, mihubas ra ang tubig baha. Kaniadto kung adunay pagbaha sa kadalanan sa syudad mo abot pa kini og pipila ka mga adlaw una mo ubos. Apan karon mihubas na dayon human ang pipila ka oras lang tungod sa mga drainage system nga gitrabaho. Gihingusgan sab sa lokal nga panggamhanan nga tungod sa mga basurang gilabay sa mga kanal rason nga nahimu kining barado ug hinay ang flow sa tubig sa mga drainage.