Gikalipay sa lokal nga panggamhanan sa Butuan ang nakuha nga Level III Residential Care Facility sa Bahay Pag-asa Butuan nga gideklara gikan sa Department of Social Welfare and Development (DSWD) – Standards Bureau pinaagi sa nadawat nga Certificate of Accreditation. Ang Certificate of Accreditation pormal nga gitunol sa may Office of the City Mayor, ning syudad. Nakuha sa Bahay Pag-asa ang pinakataas nga level of certification. Ang Bahay Pag-asa Butuan ang pinaka-unang LGU-run nga Social Welfare and Development Agency (SWDA) nga nakakuha sa highest level of certification sa rehiyon sa Caraga. Base sa deklarasyon, ang nadawat nga sertipikasyon valid sulod sa pito ka tuig. Kini gikan sa Pebrero 28, 2025, hangtod Marso 2032. Makadawat sab ang Bahay Pag-Asa Butuan og cash grant nga 50,000 pesos gikan sa DSWD-Caraga isip suporta sa operasyon sa pasilidad. Ang pag ila timaan sa dedikasyon ug paningkamot sa pagpatuman nga mahatagan og proteksyon ug maayong kaugmaon ang mga kabatan-onang anaa sa pasilidad. Ang kalambuan resulta sa hiniusang suporta gikan sa lokal nga panggamhanan sa pagpanguna ni Butuan City Mayor Ronnie Vicente Lagnada kauban ang Sangguniang Panlungsod sa pagpanguna ni Vice Mayor Lawrence Lemuel Fortun, ug Congressman Jose “Joboy” Aquino sa Congressional District.