Gikalipay ug mapasalamaton kang Mayor Ronnie Vicente Lagnada ang mga residente ug opisyales sa pagpanguna ni Punong Barangay Alma Tagalog sa Barangay Tiniwisan ning syudad sa bag-uhay lamang nahuman nga pagsemento sa ilang dalan nga nahamutang mismo atbang sa mga tulunghaan. Sumala sa mga opisyales ang naangkon nga kabag-uhan sa barangay usa usab sa rason nga makadasig sa katawhan nga maningkamot tungod hayahay na ang ilang agihan matag adlaw. Gihingusgan ni Mayor Lagnada nga mahatagan sa komportableng dalan ang mga barangay aron sayon na usab makasulod ang mga negosyante nga mububu og negosyo. Makadugang sab kini sa pagpataas sa ekonomiya ug ingonman mas mapasayon na ang mga mag-uuma sa pagbyahe sa ilang mga abot gikan sa kaumahan tungod sa maanindot nga dalan. Ang proyekto gipatuman sa City Engineers Office nga hugtanung gisuportahan ni Mayor Lagnada.