Nanumpa ang 111 ka bag-ong pasar sa Civil Engineering Licensure examination sa natigayong Oath-taking for New Civil Engineers ug Induction of New PICE Agusan del Norte Members sa Dotties Place, J.C. Aquino, Butuan City, Hunyo 14. Kini gipangunahan sa Professional Regulation Commission-Caraga kauban ang Philippine Institute of Civil Engineers-Agusan Del Norte Chapter. Gipanguluhan ang pagpanumpa ni PRC-Caraga Regional Director Cheryll Elicano. Naggikan pa sa managlahing syudad sa tibouk Caraga ug mga kasikbit nga probinsya ang mga nanumpa. Mitambong sa aktibidad sila Konsehal Reynante Desiata isip representante ni City Mayor Engr. Ronnie Vicente Lagnada ug Konsehal Engr. Vincent Rizal Rosario. Kini ang pinakaunang oath-taking sa mga Civil Engineers nga sa Caraga Region nahitabo. Human sa oath taking, gipahigayon sab ang Induction of New PICE Agusan Del Norte Members alang sa 111 ka mga new civil engineers nga gipangunahan ni Engr. Cesar Palma, Jr. Ang kalihukan suportado sa Lokal nga Panggamhanan sa Butuan pinaagi ni City Mayor Ronnie Vicente Lagnada.