Pormal nang nanumpa ang mga bag-ong opisyales sa Butuan City Government Employees Association kun BCGEA kang Butuan City Mayor Ronnie Vicente Lagnada sa City Mayors Office, City hall Bldg., ning syudad, kagahapon. Napili nga President si Jayson Dy, Vice President si Paul Ritchie Pelos, Secretary si Lovely Avila, Treasurer si Jackielou Arnon, Auditor - Sweet Angeline Dequiña, ug PIO Michiko De Jesus. Gilangkuban kini sa mga rank-and file employees nga gitudlo isip nag inusara ug eksklusibong representante sa mga empleyado. Ang BCGEA ang mag tan-aw sa kinatibuk-an interes sa mga empleyado sa Lokal nga Panggamhanan ug mamahimo nga tulay sa Executive Branch.