Pormal nang giturn-over ang bag-uhay lang nahuman nga sementong dalan sa Barangay Mandamo dungan sa selebrasyon sa kapistahan sa barangay, Mayo 17. Gikalipay kini ug mapasalamaton si Barangay Mandamo Punong Barangay Jose Cataluňa Jr. kang Vice Mayor Lawrence Fortun tungod sa walay puas nga suporta ug pagbubu og proyekto sa barangay Mandamo nga karon nagamit na sa tanang residente. Mapasalamaton sab ang usa ka residente nga si Florentina Diapolet kang Vice Mayor Fortun sa pagtuman sa saad nga paningkamutang masemento ang kadalanana sa Barangay Mandamo dihang anaa pa kini sa hawanan sa kongreso. “Mapasalamaton gayud kami nga gituman ni Vice Mayor Lawrence Fortun ang iyang saad adtong naa pa kini sa kongreso nga masemento ang among kalsada. Usa ang barangay Mandamo nga nakaangkon og daghang proyekto salamat kaayo ug sa tanang opisyales sa syudad.” mensahe ni Florentina Diapolet. Ang seremonya gisalmutan sa mga personahe ni Vice Mayor Fortun, DPWH-BCDEO, Mandamo Punong Barangay Jose Cataluňa Jr. uban sa mga Barangay Kagawad ug mga residente.