Pormal nang giturn over ang bag ong Multi-purpose building sa Barangay Bilay ning syudad miaging semana. Gipangunahan ni Vice Mayor Lawrence Fortun ang pagturn-over nga malipayong gidawat sa mga opisyales ug mga residente sa barangay. Ang nasangpit nga multi-purpose building gamiton isip bag-ong buhatan sa Senior Citizens ug Health Center. Daku ang pasalamat ni Bilay Punong Barangay Anecito Tacmo ingon man ni kanhi Punong Barangay ug karon City Councilor Arturo Gado sa sunod-sunod nga kalambuang imprastraktura sa barangay nga nagsumikad sa pagtinabangay sa lokal nga panggamhanan sa Butuan ug Congressmans office aron makakuha og pondo sa national government. Excited na ang tanan nga magamit kini ilabina ang katigulangan alang sa mas hayahay ug plastadong pagpahigayon sa ilang aktibidad. Ang kalambuang nadawat sa Barangay Bilay nagahinan og pondo sa paningkamot ni Vice Mayor Fortun adtong nagserbisyo pa kini isip kongresista.