Pormal nga giturn-over ni Congressman Jose Aquino ll ang usa ka brand new Fire Truck sa Department of Interior and Local Government-Bureau of Fire and Protection Caraga ning bag-o lang. Sumala ni Congressman Aquino nga dili igo ang bag-ong fire truck tungod sa kadako sa populasyon sa dakbayan sa Butuan hinungdan misaad kini nga iyang iparecondition ang mga daan nga fire truck nga kanhi usab nga iyang gidonate sa ahensya aron magamit kini sa muabot nga kalamidad. Misaad usab si Congressman Aquino nga tabangan niini ang BFP aron madungagan pa ang Fire Truck sa ahensya lakip na ang pagplastar sa mga Sub-Stations sa Barangay Libertad ug Barangay Ampayon sa ingon masigurong mahatag ang public safety sa area of responsibility sa ahensya. Subay niini mipadayag sa dakong pasalamat si BFP Caraga Regional Director FCSupt Rodolfo Denaga ug mga kauban sa hugot nga suporta ni Congressman Joboy Aquino sa ahensya.