Nagcourtesy call miaging adlaw kang Butuan City Vice Mayor Lawrence Fortun ang bag-ong appointed isip Jail Warden nga si JCINSP Diovin Auza. Sa meeting gihisgutan ang mahitungod sa himuong partnership tali na sa Bureau of Jail Management and Penology kun BJMP ug LGU Butuan asa tutukan niini ang mga isyu kabahin sa pagsulod sa mga kontrabando sa Butuan City Jail ug ang hugtanong pagpatuman sa penalties sa mga malapason. Subay niini, personal nga giduso ni Jail Warden Auza kang Vice Mayor Fortun ang ordinansa nga gidid-an ang pagsulod sa mga kontrabando sa Butuan City Jail ug ang pag imposar og penalties sa mga malapason. Buot sa bag-ong Jail Warden nga ang probisyon sa ordinansa mo-align sa commitment padulong good governance sa city government sa Butuan ug ang pagpaluyo sa public order ug safety sa kinatibuk-ang katawhang Butuanon. Apil sab sa nahisgutan sa meeting ang hugot nga pagdili sa pagpalupad og drones sulod sa vicinity sa Butuan City Jail alang sa safety ug security measures sa pasilidad sa correctional tungod usa kini sa gigamit aron makalusot ang mga kontrabando ug ubang iligal nga aktibidad. Sa pagtapos sa meeting gipaniguro ni Butuan City Vice Mayor Fortun nga ma-address ang tanang gipaabot nga concern kaniya aron makunhuran man lang kung dili gayod kini mawala ang mga iligal nga aktibidad. Mipasalig sab kini nga ma-endorso sa komitiba sa public order ug safety ang gidusong ordinasa ni Jail Warden Auza. Kauban ni Jail Warden Auza ang mga Jail Officers nga sila Hazer Perla ug Earl Jace Callanta.