Pinaka bag-o ug moderno nga residential care facility ang bag-ong gitunol nga gambalay sa Bahay Pag-Asa nga nahamutang sa Barangay Antongalon, ning syudad. Magsilbi ang pasilidad nga bag-ong lugar para sa mga Child at Risk ug Child in Conflict with the Law kun CICL sa syudad nga anaa sa kustodiya sa lokal nga panggamhanan aron masiguro nga aduna silay access sa maayo nga pasilidad ug kagamitan para sa ilang padayon nga rehabilitasyon. Kasamtangan karong gina proseso sa lokal nga panggamhanan pinaagi sa City Social Welfare and Development Department kon CSDWDD ang pag comply sa mga rekisitos ug dokumento aron mahimong accredited ang pasilidad isip Level 1 Residential Care Facility. Nahimong posible ang pagtukod sa pasilidad pinaagi kang kanhi Congressman ug karon Butuan City Vice Mayor Lawrence Lemuel Fortun, Congressman Joboy Aquino II, Department of Social Welfare and Development kon DSWD ug Juvenile Justice and Welfare Council kon JJWC, ug lakip na ang lokal nga panggamhanan sa pagpanguna ni Butuan City Mayor Ronnie Vicente Lagnada. Gituuhan nga ang Bahay Pag-Asa Butuan usa ka simbolo nga maghatag paglaum sa mga CAR ug CICL labi na paagi kini aron mahatagan sila og higayon nga mag usab sa ilang kinabuhi.