Ipahigayon sa dakbayan sa Butuan ang Bagong Pilipinas Serbisyo Fair sunod semana. Nagkalain-laing serbisyo ang itanyag gikan sa managlahing regional agencies sa ipahigayong Bagong Pilipinas Serbisyo Fair karong Marso 22 hangtud 23 tuig 2024 sa Caraga State University, Barangay Ampayon syudad sa Butuan. Usa sa mga itanyag nga serbisyo ang gikan sa social services, livelihood programs, agriculture, education ug uban pa. Sa mga buot maka avail sa mga serbisyo, gi-awhag kining murehistro sa https://www.bagongpilipinastayo.com Ang kalihukan gipangunahan sa Congressman’s Office pinaagi ni Congressman Jose Aquino II uban sa pakigtambayayung sa mga regional directors ug pipila sa mga buhatan sa lokal nga panggamhanan sa Butuan.