Gikompirma isip bag-ong City Administrator sa LGU Butuan si Atty Joseph Ian Sabado subay SP Resolution No. 16-048-2023 ni City Councilor Atty. Ehrnest John Sanchez ug gisuportahan sa tibook myembro sa Sangguniang Panlungsod nga aprobado ni Vice Mayor Lawrence Fortun. Kini atol sa natigayong 3rd session sa Sangguniang Panlungsod nga gipangunahan ni Vice Mayor Lawrence Fortun. Kahibaluan nga si Atty. Sabado kanhing nagserbisyo isip Consultant and Development Management Officer sa House of Representatives gikan bulan sa Hulyo tuig 2013 hangtud na sa Mayo tuig 2022 ug usa sab kini sa Attorney IV sa City Government sa Butuan sugod bulan sa Hunyo 1, tuig 2022. Si Atty. Joseph Ian Sabado produkto sa Xavier University College of Law. Nipasar kini sa Bar Examination tuig 2022 isip Exemplary Passer. Sa iyang bag-ong designation isip City Administrator sa syudad sa Butuan mipasalig kining tutukan ang procurement system, human resource, development plan ug ang city government system mismo sa Butuan. Dakung hagit kaniya ang bag-ong tahas apan paningkamutan niini nga mahatag ang insaktong trabaho subay sa direktiba ni Mayor Ronnie Vicente Lagnada alang sa kaayuhan sa kinatibuk-an.