“Magtatanong po ako ulit anong araw po bukas? araw ng kagitingan po bukas hindi lang ngayon. Kahapon po anong araw? Araw ng Kagitingan buong 365 days ng buong taon araw po ng kagitingan yan. Walang humpay na kagitingan ang ating ipatatamasa sa ating bayan. Araw-araw hindi po dapat nakakalimutan yon, we dont just commemorate araw ng Kagitingan. Dapat isinasabuhay ang araw ng kagitingan.” Kini ang tipik sa mensahe ni Vice Mayor Lawrence Fortun atol sa ika-82nd Araw ng Kagitingan ug Philippine Veterans Day sa Butuan City Public Library Abril nuebe. Atol sa okasyon, gipahigayon ang paghalad og bulak isip pagpadayag sa pasalamat sa sakripisyong gihatag sa mga beteranong bayani aron maangkon ang tunhay nga kagawasan sa mga Pilipino. Nagpasalamat si Butuan City Vice Mayor Lawrence Fortun sa tanang kadagkuan sa regional agencies nga naglangkub sa DepEd, PNP-PRO 13, BCPO, Armed Forces of the Philippine AFP, BJMP, BFP, Philippine Air Force, TESDA, Boy ug Girl Scout, Punong Barangays, Senior Citizens organizations,LGU Butuan Department Heads, mga beteranong bayani ug uban pang bisita nga nakigduyog sa okasyon, paghinumdum ug pasalamat sa sakripisyo ug kaisog sa mga bayaning beterano. Misuporta si Congressman Jose Aquino II sa kalihukan ug pagdumdum sa sakripisyo sa mga betaranong bayani pinaagi kang Atty. William Dela Cruz. Gipakita sa Hugis Dance Project ang sitwasyon sa mga bayaning nakiglaban sa gyera nga nag antos sa kagutom ug kauhaw apan wala kini nakababag kanila aron padayong musukol sa mga kalaban aron maangkon ang kagawasan sa nasud bisan baylo ang ilang kinabuhi. “Tinatamasa natin ang kalayaan na naging bunga ng katapangan ngayon dinidiwang natin ang pagmamahal sa ating lupain pagmamamahal sa ating bayan at pagmamamhal sa kalayaan masaya po nating nakikita ang bunga ng kagitingan ng ating beteranong lumaban para sa kalayaan na meron tayo ngayon ikinalulugod po naming masaksihan na kasama namin po ngayon sa lugar na dati ninyong ipinagtanggol at tinatamasa ang kalayaan buong tapang ninyong ipinaglaban,” mensahe ni Mayor Ronnie Vicente Lagnada. Gipaabot sab ni Mayor Lagnada ang pasalamat ug pagdayeg sa tinuod nga kaisog ug kabayanihan sa mga ordinaryong Pilipino aron suportahan ang matag pamilya ug nagserbisyo sa nasud gikan sa mga mag-uuma nga nagtrabaho sa tagsa-tagsang umahan apil ang mga magtutudlo nga nagtudlo sa mga kabataan,mga doctor ug nurse nga nag atiman sa mga naay sakit ug sa mga bulontaryong indibidwal nga naghatag og tabang. Ang kalihukan gipangunahan sa City Tourism and Cultural Affairs Department sa lokal nga panggamhanan sa Butuan.