Gilusad na kaganinang buntag ang Apostille Receiving Center sa Department of Foreign Affairs Consular Office Butuan sa Level 3 Robinsons Place Butuan. Gipasayun ug gipaduol na sa tanang Butuanon ug Caraganon apil na ang mga silingang syudad ug munisipyo ang procedures ug proseso sa application sa apostille tungod dili na kini mobyahe pa sa layong dapit alang sa nasangpit nga serbisyo ug dili na makagasto og daku ang tanang aplikante. Gipangunahan ni DFA Office of Consular Affairs Assistant Secretary Adelio Angelito Cruz ang programa uban ni Atty. William Dela Cruz, First District of Agusan del Norte District Head ug mi-representar kang Congressman Jose Aquino ll, City Councilor Joseph Omar Andaya nga mi-representar kang Mayor Ronnie Vicente Lagnada, ug Rhoda Avelino Regional Operations Manager Robinsons Land Corporation. Atol sa kalihukan nagtagbo sab ang mga private sector ug stakeholders nga gikan sa mga government agencies aron ipakita ang suporta sa proyekto. Ang pagbutang sa Apostille Receiving Center pinaagi sa paningkamot ni Congressman Jose Aquino ll.