Usa-usa nga gipresentar sa nagkadaiyang buhatan sa lokal nga panggamhanan sa Butuan ang Annual Investment Program alang sa tuig 2026 atol sa natigayong 2nd Quarter Butuan City Development Council Sectoral Committee Meeting miaging semana sa pagpanguna sa City Planning Development Department kun CPDD. Gisalmutan kini sa mga partner barangay ug Civil Society Organizations nga mipadayag sa suhestyon ug komento kalabot sa AIP sa mga buhatan asa usa kini sa mga benificiaries. Dinhi gipresentar usab sa CPDD ang Butuan City Comprehensive Development Plan tuig 2026-2031 ug ang Butuan City Development Investment Program tuig 2026-2031 nga nakasentro sa lima ka development sector nga gilangkuban sa Economic Development Sector, Environment Development Sector, Infrastructure Development Sector, Social Development Sector ug Institutional Development Sector. Importanteng masayran sa mga partner barangays ug CSOs ang CDP, CDIP ug AIP asa nakahan-ay ang mga dagkung proyekto ug gipaminaw ang manifestation nga kabahin sa implementasyon alang sa kaayuhan sa tanan. Pinaagi sa AIP, CDP ug CDIP masiguro nga anaa sa insaktong direksyon ang usa ka local government unit aron han-ay ang pagamit sa mga resources ug mamahimong epektibo ang pagpatuman sa mga programa. Human sa mga mga presentasyon gi-aprobahan kini sa mga partner nga i-endorso ug irekomenda sa Full Council alang sa approval. Samtang nakatakda ang BCDC Full Council Meeting nga pangunahan ni Mayor Ronnie Vicente Lagnada karong umaabot Hunyo 20 sa VCDU Prince Hotel, Barangay Imadejas ning syudad.