Gikalipay sa mga residente sa Barangay Ampayon ning syudad lakip ang mga barangay ilawom sa distrito sa Ampayon Main Health Center ang pormal nga pag inagura sa Ampayon Super Health Center adlawng Biyernes. Usa ang Butuan sa natukuran og Super Health Center sa nasud pinaagi sa opisina ni Senator Christopher Lawrence "Bong" Go, Chairperson sa Senate Committee on Health and Demography. Gani, Hunyo miaging tuig personal nga gibisita ni Senator Go ang Ampayon Super Health Center para sa usa ka site inspection nga nag tumong nga makita ni Senator Go ang nasangpit nga proyekto. Strategically designed ang mga Super Health Center aron igo nga mahatud ang mga primary care, mga konsultasyon, ug mapa usbaw ang early detection sa mga sakit hilabi na sa grassroots. Nagtanyag ang pasilidad og basic health services sama sa database management, out-patient, birthing, isolation, diagnostic (laboratory: x-ray, ultrasound), pharmacy, ug ambulatory surgical unit. Lakip sab ang eye, ear, nose, and throat (EENT) service; oncology centers; physical therapy and rehabilitation centers; ug telemedicine. Labing mapasalamaton ang City Health Office sa bag-ong pasilidad tungod pinaagi niini mas mapadali ang paghatag sa mga programa ug serbisyong medikal nga apil sa nag unang plano ni Butuan City Mayor Ronnie Vicente Lagnada. Mi saad usab si Konsehal Eduardo Gonzalez, Chairman sa Committee on Health nga panghigusgan sa komitiba nga mag buhat ang opisina og ordinansa nga mutabang sa mga katawhan ug lakip na sa mga health care workers sa syudad. Nobyembre 25, 2022 gipahigayon ang Ground Breaking Ceremony sa Ampayon Super Health Center.