Nipailawom sa lima ka adlaw nga pagbansay ang mga ALIMAT Barangays nga gilangkuban sa Barangay Baan Km. 3, Bonbon ug Libertad lakip na ang mga volunteers gikan sa 1501st CDC Rescom PA, DepEd DRRM Coordinators ug CDRRMO Personnel sa Basic Life Support, Standard First Aid Training and Mass Casualty Incident Management Training didto sa Baan Km. 3 Evacuation Complex nga gisugdan Hunyo 19, 2023. Katuyuan sa aktibidad nga ang mga barangays ug volunteers makakuha sa kahibalo, kahanas ug kinaiya nga mapalig-on ang pagpangandam ug pagresponde panahon sa kalamidad ug bisan unsa nga insidente sa emerhensiya. Dunay lecture sa mga partisipante para mas masabtan nila ang hinungdan ngano kinahanglan irescue ang usa ka indibidwal ug gipakita sab sa ila ang insaktong pag Cardiopulmonary resuscitation kun CPR sa usa ka bata o hamtong nga tawo. Gipangunahan ang pagbansay sa City Disaster Risk Reduction and Management Office kun CDRRMO kauban ang PDRRMO Agusan Del Norte Training Team. Gilauman nga duna pay laing batch sa mga barangays nga ipailawom sa training.