Mikampeon sa natigayong 3rd BCCCHA-VAC Art Competition ang deysi sais anyos nga si Alexa Suacillo nga gipahigayon sa SM City Butuan adlawng Sabado. Sulod sa lima ka oras nakapokus ang 29 ka partisipante sa pag drawing ug pagpinta subay sa temang Reimagining the past creating the future. Ang mga partisipante nga nisalmot nag edad dose anyos hangtud dise sais anyos ug nag gikan sa managlahi nga tunghaan sa syudad sa Butuan. Ang dise sais anyos nga si Alexah A. Suacillo wala nag dahum nga mahimong kampeon sa kumpetisyon labi pa nga first time niya moapil niini nga aktibidad. Nakadawat siya og 15,000 pesos nga premyo diin plano niyang ipalit og dugang nga mga materyales nga iyang gamiton. Samtang 1st Runner up si Andrea Nicole Plaza nga nakadawat og singko mil pesos, 2nd Runner up si Allanoah Atamosa nga nakadawat og singko mil pesos ug dunay pito ka mga Jurors Choice Award nga nakadawat og tag tres mil pesos. Ang wala nakasulod sa Jurors Choice Award duna gihapon tag 1,000 pesos isip pag participate sa nasulti nga aktibidad. Mapasalamaton ang tibuok Butuan City Council for Culture, Heritage, and Arts - Visual Arts Committee sa mga partisipante sa pag-apil sa ikatulong higayon sa art competition ug nanghinaot nga moapil pa sila sa sunod nga aktibidad.