Nagmalampuson nga napresenta ang Annual Investment Program kun AIP 2024 sa mga buhatan sa city government sa Butuan ilawom sa Institutional Sector sa ikaduhang adlaw sa Butuan City Development Council alang sa Institutional Development Sector Working Committee kagahapon. Kini sa pagpanguna sa City Planning and Development Office uban ni Victor Emmanuel Ozarraga, Chairperson BCDC Institutional Development Sector Working Committee, mga Punong Barangays ug Civil Society Organizations sa syudad sa Butuan. Mipresentar sa AIP 2024 ang mga opisina sa Institutional Development Sector nga gilangkuban sa City Treasurers Office, City Budget Office, City Accounting Office, City Legal Office, City Internal Audit Service Office, City Assesment Service Office, City Administrative Management Office nga gilangkuban sa PIO, City Special Concerns Office, Civil Security Division/TFBB, City Mayors Office, City Procurement Management Office. Nahilakip sab sa maong sector ang City Human Resource Management Office, City General Services Office, City Planning and Development Office, ug Sangguniang Panlungsod nga gilangkuban sa City Legislative Management Department, Office of the City Vice Mayor ug Office of the City Council Members. Ang mga giduso nga pondo sa matag buhatan gamiton kini alang sa pagpadayon ug pagpalapad sa paghatag og serbisyo hangtud na sa kabarangayan. Ang natigayong presentasyon sa Annual Investment Program sa tuig 2024 usa ka giya o road map sa pag andam sa Annual Budget ug Supplemental Budget alang sa umaabot nga tuig sa katuyuan nga anaa kini sa saktong plano ug walay mausik nga pondo gikan sa panudlanan sa gobyerno. Ang tanang giduso nga AIP 2024 ipresentar na usab sa Butuan City Development Council Full Council Meeting karong umaabot Hunyo 27 ning tuig.