Nahimung sentro sa Balik Butuan Tour ang Agro Industries sa dakbayan aron mahatagan og exposure ang mga lokal nga produkto niini. Gibisita nila ang Mt. Mayapay View Deck sa Barangay Nongnong ug nagpahulagway sa kaanyag sa view sa Mt. Mayapay. Gilibot sab sa mga Balik Butuanon ang Country Fields Agri ug Km7 Farm Producers Cooperative sa Barangay Tungao, Integrated Diversified Organic Farm sa Barangay Pigdaulan, Olivier Garden, Food, Drinks ug ang Butuan Coconut Products Inc. sa Barangay Ampayon ning syudad sa Butuan dayun mitilaw ug namalit sa nagkadaiyang produkto niini. Nagpasalamat ang mga Butuanong nagbalik bayan sa nakitang kausaban sa dakbayan sa Butuan gikan sa maanindot na kadalanan bisan anaa na sa rural areas sa syudad ug ang pag adopt sa LGU Butuan sa smart ug bag-ong inobasyon sa sektor sa agrikultura. Ang Balik Butuan 2025 Agro-Industrial Tour kabahin sa selebrasyon sa Balangay Festival 2025 sa pagpanguna sa lokal nga panggamhanan sa Butuan pinaagi sa City Tourism and Cultural Affairs Department.