Mibisita ang Agriculture Office sa Probinsya sa Surigao del Norte sa City Agriculture and Veterinary Department aron maglakbay aral mahitungod sa AgriBoost Project sa Butuan City. Personal kining gi-abi abi ni City Agriculture and Veterinary Department Head Engr. Pierre Anthony Joven uban sa AgriBoost Supervisor ug Coordinators asa gipakita ang journey ug kalampusan sa AgriBoost Project. Buot sa mga bisita nga tun-an ug sundugon ang mga teknolohiya sa proyekto alang sa mga mag-uuma sa ilang probinsya rason nga gilibot niini ang Butuan City Integrated Diversified Organic Farm nga nahimutang sa Barangay Pigdaulan asa nakatanum sa Green House Facility ang lettuce ug honey dew melon. Gibisitahan sab niini ang Agrihub Facility nga nahimutang sa may Van Terminal Langihan Area aron sayron ang marketing strategy ug ang pagdumala sa mga abot sa mga mag-uuma padulong sa nagkadaiyang merkado sa syudad sa Butuan. Gidayeg sa mga bisita ang klase sa administrasyon ug suporta sa lokal nga panggamhanan sa Butuan pag abot sa mga mag uuma ug nanghinaut nga madala kini sa probinsya sa Surigao del Norte.