Gidayeg sa mga kadagkuan sa Professional Regulation Commission Regional Office 13 ang kalampusan sa Agriboost Project sa syudad sa Butuan nga gitutukan ni Mayor Ronnie Vicente Lagnada alang sa pagpalambo sa kahimtang sa mga mag-uuma sa syudad human mipahigayon og bench marking activity sa City Agriculture Office. Ang pagbisita gipangunahan ni PRC RO13 Regional Director Cheryll Elicano, CPA kauban ang mga miyembro sa PRC Board of Agriculture nga sila Dr. Nora Inciong, Chief of Laboratory Services Division BSWM ug Dr. Annabelle Sarabia, R&D Division Chief of PCC. Gilibot usab sa mga bisita ang greenhouse facility sa Butuan City Nursery nga nahimutang sa Barangay Pigdaulan nga gamit ang modernong teknolohiya pinaagi sa drip irrigation ug hydroponics nga paagi sa pagtanum nga hugtanung gisuportahan ni Mayor Lagnada ug sa DA Caraga. Buot masayran ug mamonitor sa PRC ang mga establisamento sa syudad ilabina ang industriya sa agrikultura aron makakuha og ideya nga makatabang ug ma adopt ang mga best practices ug palisiya nga madala sa pagpalambo sa propesyon ug occupation ilawom sa jurisdiction sa ahensya. Nakita usab sa mga bisita nga dako ang tabang niini alang sa gimugnang regulatory policies sa pagpapalapad ug pagpalambo sa maintenance sa high professional, ethical ug technical standards. Nagtuo ang ahensya nga daghan ang nakuhang bag-ong kahibalo ug kalambuan ilabina sa mga bag-ong teknolohiya ug inobasyon sa natad sa agrikultura. Subay niini, nadesisyunan sa PRC nga imbitahan ang City Agriculture Office sa umaabot nga oath taking ceremony sa mga bag-ong mipasar sa licensure examination sa agriculture aron mas makahatag og kadasig sa mga young professional nga tutukan ang agrikultura sa syudad sa Butuan ug sa tibook rehiyon sa caraga.