Gipresentar sa City Government sa Butuan sa pagpanguna ni Mayor Ronnie Vicente Lagnada nga girepresentahan ni Engr. Pierre Anthony Joven, City Agriculturist ang Agriboost Innovative ug Inclusive Agribusiness Ecosystem sa gipahigayong League of Cities of the Philippines sa Taguig City sa pagtambayayong United Nations Development Program Philippine Office. Ang natigayong league of cities of the Philippines gisalmutan sa mga local leaders sa nasud ug mga department head sa mga local government unit nga nagtinguha sa paghisgut sa stratehiya ug pagkab-ot sa sustainable development goals. Usa sab kini sa paagi sa pagpaambit sa tagsa-tagsang syudad sa ilang papel sa pagkab-ot sa inclusive, sustainable economic growth, urban development ug ang paghisgut sa lain-laing potensyal sa mga syudad nga nagpatuman sa best practices nga makatabang sa pagpalambo sa panginabuhian. Tungod niini nga panagtigum plano karon sa pipila ka mga lokal leaders ug sa tibook organisasyon sa league of the cities sa nasud nga mobisita sa Butuan City aron makakuha og ideya ug konsepto sa kinatibuk-ang proyekto sa agriboost nga nagtinguha sa malahutayong suplay sa pagkaon.